تأخر نمو اللغه عند الاطفال تأخر الكلام عند الاطفال في عصرنا ده بقى سمه اساسيه في اي طفل و كتير من اولياء الامور بيقلقوا و بيسألو السؤال الشائع : امتى اعرف ان ابني متأخر في الكلام ؟ او "ابني عنده سنتين او ثلاثه و بيتكلم كلمات بسيطه زي (بابا - ماما - جده - امبو - مم ) هل كده متأخر في الكلام ولا ايه ؟؟ و لو متأخر اعمل ايه ؟؟ **الاجابه انه اكيد متأخر لغويا .... و عشان نعرف ليه اتأخر لازم نعرف حياته شكلها ايه ؟؟ يعني... - هل لما بتندهي عليه بيبصلك و ينتبهلك ؟؟ - هل بينفذ اوامر اول ما تقولي و بيبقى فاهمك ؟؟ - هل بتنفذي طلباته قبل ما يتكلم او يشاورلك عليها حتى ؟؟ - هل بيشاور على طلباته او بياخدك من ايدك عشان تلبي طلبه ؟؟ - هل بيتفاعل مع الاخرين و الاطفال اللي زيه ؟؟ - هل بيتفرج على التلفزيون او ماسك الموبايل على طول ؟؟ - هل بيروح حضانه ولا لأ ؟؟ و بعد ما نجاوب على الاسئله دي كلها طبعا فيه سؤال مهم جدا و هو اذا كان فيه مشاكل صحيه قبل او اثناء او بعد الولاده ؟؟ طبعا لو فيه مشاكل يبقى كده عرفنا سبب التأخر ايه و هنا هيبقى محتاج فريق عمل يشتغل معاه من تنمية مهارات و تخاطب و تخ
ايه الفرق بين التوحد وتأخر الكلام (حرمان بيئي) ؟؟؟؟؟ ازاي افرق بينهم فيه فروق جوهريه نقدر نميز بيها زي ايه !! -التوحد اكبر مشكله عنده هي التواصل مع الناس ويعتبر من الفروق الجوهرية : اول حاجه بندور عليها نظره العين طفل ( تأخر الكلام ) عادي جدا ينظر في للعين ويلتفت ليك وعارف اسمه وتطلب منه حاجه تلاقي الطفل يستجيب بسهوله لكن العكس طبعا طفل (التوحد ) نظره العين بالنسبه ليه مشكله كبيره وفِي الحاله المتوسطه منهم يديك لمحه سريعه ويلف ناحيه تانيه . -التفاعل : (التوحد ) بيحب يكون لوحده ومش مهتم بالناس الا لو محتاج حاجه ،(تاخر الكلام )العكس بيحب يلعب مع الآخرين ويشد الانتباه ليه ويعمل فعل ويستني رد الفعل عليه وبيظهر التفاعل في ٦ شهور الأولي من عمر الطفل . -الإشارة :(متأخر الكلام )يستخدم الإشارة بالإصبع لكن (التوحد)ضعيف جدا ومتأخر ويزن ويطلع أصوات دليل انه محتاج حاجه . -تنفيذ الأوامر :(التوحد )فكره تنفيذ الأوامر صعبه جدا لكن هناك بعض الأطفال عندهم تنفيذ الأوامر ممكن لكن قليل جدا وبالكتير ينفذ امر او اتنين العكس (متاخر الكلام) ينفذ الاوامر بسهوله . -علاقته بالأطفال الآخرين :(التوحد ) ل